ശനിയാഴ്‌ച, ഏപ്രിൽ 17, 2010

7 ഒരു വിഷു കാഴ്ച(സൃഷ്ടിച്ച മുറി)പ്പാട്


അന്ന്
വിശന്നൊട്ടിയ വയറില്‍
കൈ കൊണ്ടടിച്ചു ഞാന്‍ പാടി
"നീ നിര്‍മ്മിച്ച ആകാശഗോപുരങ്ങള്‍ക്ക് കീഴില്‍
എന്റെ സ്വപ്‌നങ്ങള്‍
ചതഞ്ഞരഞ്ഞു പോയ്‌...
നീ കൊയ്തു മേഞ്ഞൊര
സ്വാതന്ത്ര്യ ഗേഹത്തില്‍
ഞങ്ങളുടെ
വിളഞ്ഞു കായ്ച്ചിരുന്ന
സമൃദ്ധിയും അമര്‍ന്നോടുങ്ങി
മുറ്റത്തെ കണിക്കൊന്നയില്‍
അന്ന് തെളിഞ്ഞു പൂത്തത്,
ഐശ്വര്യത്തിന്റെ
കനകമണികളായിരുന്നില്ല..
നിന്നെ
ഇന്നലെയില്‍ നിന്നും അടര്‍ത്തിയെടുത്
ഇന്നില്‍ രാജാവായി അവരോധിച്ച
പ്രകൃതിയുടെ അമേദ്യം...
നില മറന്നു നാ ചവിട്ടിയ ചുവടുകളില്‍
അവജ്ഞ പൂണ്ടു
പ്രകൃതി നിറം മങ്ങുകയായിരുന്നു.
നീയുരുക്കി പേര്‍ത്തു ബന്ധിച്ചിട്ട
വിപ്ലവ ജിഹ്വകള്‍,
അങ്ങനെ നീ ഊറ്റിയയ പച്ചപ്പ്‌,
നൈര്‍മല്യത്തിന്റെ
പുതുഭാവങ്ങള്‍ തേടുകയായിരുന്നു...
........................................
ഐതിഹ്യങ്ങള്‍ കേവലമൊരു
ഹാരത്തില്‍ ഒതുങ്ങട്ടെ..
ചരിത്രങ്ങള്‍ മാത്രം
നിത്യഹരിതമായ് നില്‍ക്കട്ടെ "
എന്റെയീ
ഉള്ളുതുറന്ന വയര്‍ കൊട്ടിപ്പാട്ടിനും
നിങ്ങള്‍ എസ.എം.എസ അയയ്ക്കാന്‍ മറക്കരുതേ......
ഫോര്‍മാറ്റ്..
നശിച്ചലോകം<സ്പേസ്>പട്ടിണിപ്പാട്ടുകാരന്‍.

*****************************************************
നന്ദി....
എന്നെയും നീ കച്ചവടച്ചരക്കാക്കിയല്ലോ...
ഇനിയെനിക്ക് പുതുപാതകള്‍ തെടെണ്ടല്ലോ...
സ്വീകൃത മഹനീയതകളുടെ
വിഡ്ഢിത്തങ്ങളോട് ഒട്ടിച്ചേര്‍ന്നു
ഞാനും നടുവേ ഓടുന്നു...
വര്‍ണങ്ങള്‍ പലതും പൊട്ടി വിരിയുന്നു,
കത്തി ചാംബലാകുന്നു,
സ്ഫോടനങ്ങള്‍,
തകര്‍ച്ചകള്‍,
'വര്‍ണാഭമായ' രക്ത ചൊരിച്ചിലുകൾ,
'കുളിര്‍മയേകുന്ന' കലാപക്കാഴ്ചകള്‍...
.................................................................
വഴി നീളെ ഞാന്‍ അട്ടഹസിച്ചു
പൊള്ളത്തരങ്ങള്‍ പെയ്തൊഴിയാതെ
കടം വാങ്ങിയ വെട്ടത്തില്‍
ഇളിയ്ക്കുന്ന വിഷുവിനെയോര്‍ത്തു...
പ്രളയങ്ങളിലുംളിലും മുങ്ങാത്ത ദുരിതങ്ങളെയോര്‍ത്ത്....
ഒരു മത്താപ്പ് വീണ്ടും
എരിഞ്ഞടങ്ങിയിരിയ്ക്കുന്നു...
ആരുടെയോ പടക്കമേറില്‍
എന്റെ തലയും...
എന്റെ ചിന്തയും...
പൊട്ടിത്തെറിയ്ക്കുന്നുവോ...?

7 അഭിപ്രായങ്ങൾ:

  1. രഞ്ജിത്ത്,യഥാര്‍ത്ഥത്തില്‍ നീയാണ് താരം.
    നല്ല കാഴ്ച്ചപ്പാടുകള്‍

    മറുപടിഇല്ലാതാക്കൂ
  2. കണ്ണ് അടിച്ചുപോകും സോദരാ.. ആ ബാക്ക്ഗ്രൌണ്ട് ഒന്ന് മാറ്റുമോ?
    എല്ലാ വിധ ആശംസകളും...

    മറുപടിഇല്ലാതാക്കൂ
  3. " ഐതിഹ്യങ്ങള്‍ കേവലമൊരു
    ഹാരത്തില്‍ ഒതുങ്ങട്ടെ..
    .ചരിത്രങ്ങള്‍ മാത്രം
    നിത്യഹരിതമായ് നില്‍ക്കട്ടെ "
    എന്റെയീ
    ഉള്ളുതുറന്ന വയര്‍ കൊട്ടിപ്പാട്ടിനും
    നിങ്ങള്‍ എസ.എം.എസ അയയ്ക്കാന്‍ മറക്കരുതേ....."
    വരികളില്‍ ഒരു പാട് സത്യങ്ങള്‍ തലപൊക്കി ചിരിച്ചു ഉള്ളിലേക്ക് തന്നെ വലിയുന്നു ...

    മറുപടിഇല്ലാതാക്കൂ
  4. ഇസ്മയില്‍ ഇക്കാ... കണ്ണ് അടിച്ചു പോകുന്ന ബാക്ക്ഗ്രൌണ്ട് മാറ്റിയിട്ടുണ്ടേ...
    അഭിപ്രായങ്ങള്‍ പറഞ്ഞ എല്ലാ സുഹൃത്തുക്കള്‍ക്കും ഒരായിരം നന്ദി...

    മറുപടിഇല്ലാതാക്കൂ