തിങ്കളാഴ്‌ച, ഓഗസ്റ്റ് 20, 2012

11 ഒരു മീൻ പിറവിയിലൂടെ ഞാൻ സ്വതന്ത്രയാകട്ടെ.


കരിങ്കാഴ്ചകൾ കണ്ട് മടുത്തിട്ടായിരിയ്ക്കണം.
കണ്ണുകൾ കുറുകിക്കുറുകി,
രണ്ട് വൃത്തങ്ങളായിരിയ്ക്കുന്നു.

വാക്കേറുകളിലും,
നോക്കുളി ചെത്തുകളിലും,
മുറിവ് പറ്റാതിരിയ്കാനെന്ന് തോന്നുന്നു,
ചെതുമ്പലുകൾ വളരുകയാണ് മേലാകെ.
ഒരുമയുടെ തിക്കിലും തിരക്കിലും,
ഉയന്ന് പൊന്തുന്നുന്ന വെളിച്ചം മുടക്കികൾ.
അമർന്നൊതുങ്ങിയ മുലകളേക്കാൾ വലിയ,
കാഴ്ചകളെ
ഇടം വലം വേർതിരിയ്ക്കാൻ പതിഞ്ഞു ചേർന്ന
മുഖത്തേക്കാൾ വലിയ,
കണ്മറ ശീലകൾ.

സമാനദിശയിലേയ്ക്ക്,
അതിദ്രുതം പാഞ്ഞിരുന്ന കാലുകൾ,
വിജാതീയ ധ്രുവങ്ങളിലേയ്ക്കുള്ള
ചൂണ്ടുപലകകളായി,വാൽത്തുമ്പായി.
അല്ല,
അത്
അവതാരപ്പിറവിയുടെ
മൂട്ടിൽ തറച്ച
മീനോളം നീളമുള്ള അമ്പെന്ന് കവി.
വിടർന്നു പിരിഞ്ഞ,
രണ്ടില ചിഹ്നത്തിന്റെ,
ജൈവാന്തരമെന്ന് രാഷ്ട്രീയം.

സർക്കാരിന്റെ ഒന്നര രൂപാ സൗജന്യം വേണ്ട.
ഐ പില്ലു പരതുന്ന വെപ്രാളം വേണ്ട.
ചെന്തെരുവിന്റെ മുല്ലപ്പൂവിടങ്ങളായി,
വെറ്റിലച്ചവകളായി,
പാറി നടന്ന് പേറിയതത്രയും,
ഇന്ന് മുട്ടകളാണ്.
മീൻ മുട്ടകൾ.
പീഡനപർവ്വങ്ങളും,
തദ്ഫലഗർഭങ്ങളും,
കല്ലോരം പറ്റിക്കിടക്കുന്ന മുട്ടകളാണ്.
മീൻ മുട്ടകൾ.

പേറ്റുനോവിന്റെ കണക്കുപേച്ചില്ലാതെ,
കള്ളക്കണവന്റെ ചന്തിതാങ്ങാതെ,
എനിയ്ക്കൊരുപാട്
ദിവ്യഗർഭങ്ങൾ ധരിയ്ക്കാലോ...
വാ കീറിയ പൈതങ്ങളെ
വെള്ളത്തിലൊഴുക്കാലോ....

11 അഭിപ്രായങ്ങൾ:

  1. മീന്‍പിറവികള്‍ക്ക് പൂര്‍ണ്ണസ്വാതന്ത്ര്യലബ്ധിയുണ്ടോ? ട്രോളിംഗ് ബോട്ടുകളുടെ ഇരുമ്പുവലകളും കച്ചവടചൂണ്ടകളുടെ കൊളുത്തിരകളും അപ്പോഴും അവയെ കാത്ത് കണ്ണു നടുന്നില്ലെ?

    മറുപടിഇല്ലാതാക്കൂ
    മറുപടികൾ
    1. പേറ്റുനോവിന്റെ കണക്കുപേച്ചില്ലാതെ,
      കള്ളക്കണവന്റെ ചന്തിതാങ്ങാതെ,
      എനിയ്ക്കൊരുപാട്
      ദിവ്യഗർഭങ്ങൾ ധരിയ്ക്കാലോ...
      വാ കീറിയ പൈതങ്ങളെ
      വെള്ളത്തിലൊഴുക്കാലോ....

      ഇല്ലാതാക്കൂ
  2. അഞ്ചാറു തരത്തില്‍ വായിച്ചു
    ഇനിയിപ്പോ അറിയാവുന്ന ആരെങ്കിലും വായിച്ച് കാര്യം പറയട്ടെ
    പിന്നെ വരാവേ....!!!!

    മറുപടിഇല്ലാതാക്കൂ
  3. നിങ്ങളുടെയൊക്കെ ബ്ലോഗ്‌ രചനകള്‍ വായിച്ചു വായിച്ചു ഈ എളിയ ഞാനും ഒരു ബ്ലോഗു തുടങ്ങി.കഥപ്പച്ച...കഥകള്‍ക്ക് മാത്രമായി ഒരു ബ്ലോഗ്‌.അനുഗ്രഹാശിസുകള്‍ പ്രതീക്ഷിക്കുന്നു

    മറുപടിഇല്ലാതാക്കൂ
  4. ശക്തമായതും, പുതുമയുള്ളതുമായ ബിംബകൽപ്പനകൾ.....
    ഈ ബിംബകൽപ്പനകളിലൂടെ സൃഷ്ടിക്കുന്ന സമഗ്രത എന്തെന്ന് തിരിച്ചറിയുക എന്നത് അലസവായനയിലൂടെ സാധ്യമല്ലതന്നെ.....

    മറുപടിഇല്ലാതാക്കൂ
  5. ഒന്നും പിടികിട്ടിയില്ല എന്നാലും രസമുണ്ട്.

    മറുപടിഇല്ലാതാക്കൂ
  6. അമര്‍ഷങ്ങളെ പുറത്തു വിടാന്‍ ഇത് തന്നെയാ പറ്റിയ വേദി.. നല്ല ഭാഷ...



    എനിക്കുമുണ്ടൊരു ബ്ലോഗ്‌.. വന്നു കണ്ടു അഭിപ്രായം പറയണേ.. കാത്തിരിക്കും.
    www.vinerahman.blogspot.com

    മറുപടിഇല്ലാതാക്കൂ
  7. നല്ല ശക്തമായ ഭാക്ഷ....
    നന്നായിട്ടുണ്ട് രണ്ജൂ

    മറുപടിഇല്ലാതാക്കൂ
  8. സ്വത്വത്തെ കെടുത്തി ഈ 'ചില്ല് കൂട്ടില്‍' {വിശാലമെന്നു തോന്നിക്കുകിലും} തളച്ചിട്ടത് ആരാണ്..?
    ഈയൊരരക്ഷിതാവസ്ഥ നിര്‍ബന്ധിക്കുന്നതെന്തിനാവണം..? ഒന്ന് കുടഞ്ഞെറിയാന്‍ പോലും സാധ്യമാവാതെകണ്ട് പാരതന്ത്ര്യം വിധിച്ചതെന്തിന്..?

    ചുറ്റുപാടുകളിലെ പല ജന്മങ്ങളും സ്വയം ഒരു മത്സ്യമായും, ചിലര്‍ [ജീവിതത്തിലും മരണത്തിലും} മത്സ്യമാകാന്‍ നിര്‍ബന്ധിക്കപ്പെടുന്ന അവസ്ഥയും ധാരാളം..! ലോകമെക്കാലവും കയ്യൂക്കുള്ളവരെ കാര്യക്കാരാക്കുകയാണ് ചെയ്തിട്ടുള്ളത്.. ജീവീയ ലോകത്തെ നടപ്പ് രീതിയാണത്. കരയിലും കടലിലും വാനലോകത്തും അതെ.

    മറുപടിഇല്ലാതാക്കൂ
  9. Hello, і thіnk that i saw уou visiteԁ my websitе sο i
    came to “return the favor”.Ӏ'm attempting to find things to improve my web site!I suppose its ok to use a few of your ideas!!
    My website - Terry Sawyer

    മറുപടിഇല്ലാതാക്കൂ